#RavinAtHome

حرصاً منا على حياة اخواتنا في الوطن وعلى مصلحة الوطن قررنا غلق جميع فروعنا ال-43 و مصانعنا بدأً من يوم الجمعة وحتى إشعار أخر ، نتمنى من جميع السادة الكرام أصحاب العلامات التجارية الاخرى والمحلات أن يتبنو نفس القرار حفاظاً على أرواح الناس وسلامة الوطن

 

النهاردة احنا مش بنخاطبكم كعملاء ولكن كأخوة موجودين في نفس البلد ونفس الكوكب عايزين نشارككم احنا عملنا ايه وناويين نعمل إيه فاليومين الجايين دول إن شاء الله

إغلاق الفروع و المصانع مش قرار سهل لأن احنا بندعم أكتر من 2,000 موظف وعائلاتهم في رفين وأكتر من 25,000 موظف غير مباشر مع شركاءنا من شركات خدمات ومصانع

 

الاسبوع إللي فات أخدنا قرارات و إجراءات سريعة علشان نحافظ على جميع شركاؤنا فالوطن ,موظفينا وعملاءنا  اللي هم أهم وأغلى حاجة عندنا

 أي موظف يقدر يشتغل من المنزل بقى بيشتغل من المنزل

كل الموظفين المرضى بأمراض مزمنة بيشتغلو من المنزل

كل موظف عنده حد من أهله مريض بمرض مزمن بيشتغل من المنزل

كل الأمهات اللي عندهم أطفال أقل من 12 سنة بيشتغلو من المنزل 

من يوم الأحد 70% من موظفينا بقوا بيشتغلو من المنزل وابتدأً من يوم الجمعة  القادم جميع العاملين بالشركة هاتشتغل من المنزل ما عدا إدارة الاونلاين

جميع مرافقنا ,مخازنا، فروعنا، مصانعنا و بضائعنا بيتم تعقيمها بصفة دورية على مدار اليوم

 

وبنتبع جميع توصيات منظمة الصحة ووزارة الصحة 

 روح أي بني آدم بنتعامل معه أولوية عندنا علشان كده أخدنا القرارات دي 

 طول عمرنا بنشجع الوحدة وإن احنا دايماً نكون واقفين جنب بعض والنهارده بنشجع الجميع إن نقف مع بعض بأن احنا نقف بعيد عن بعض   ونفضل في بيوتنا 

بنطلب منكم دعمنا وتشجيعنا و تشجيع كل أصحاب العلامات التجارية على أخذ القرار ده و بنشجعكم الاتزام بعدم النزول من منازلكم 

هنفضل نخدمكم حتى واحنا فالمنزل من خلال موقعنا و تطبيقنا و نوصلكم لحد باباكم 

hyperurl.co/rvnapp

 

ربنا يحمي الجميع ويحمي مصر